Hobby Prestige 560 WFU hjólhýsi

Glæný Hobby Prestige 560 WFU hjólhýsi, árgerð 2026, staðsett í Reykjavík. Fullkomin aðstaða fyrir leikara: þau ganga bæði á rafmagni og gasi svo þú getir alltaf haldið þeim heitum, og hvert um sig er með sér baðherbergi með fallegri sturtu. Við erum með fjögur alveg eins stykki svo það verði aldrei mismunað leikurunum. Þetta er háklassa hýsi sem ætti að henta fyrir alla leikara, og það er einnig alltaf hægt að nota það sem gistingu ef út í það er farið.

Hverju hýsi fylgir fullur búnaður: sólarsella og rafgeymir, breytistykki (CEE tengi í Schuko innstungu) ásamt auka 25 m CEE rafmagnssnúru, gasgrill með grilláhöldum, tjaldstólar og útileguborð. Að innan er hitari (gasmiðstöð og hitablásari), ofn og gaseldavél, pottar og pönnur, hnífapör, diskar og skálar, glös og bollar, ísskápur með frystihólfi, kaffivél, hraðsuðuketill, klósett og sturta, og handklæði.